octobre 18, 2021

Le Tout Au Pluriel Magazine

Nous sommes vos yeux et vos oreilles

NÒT POU LAPRÈS Regwoupman Feminis Sosyo Politik FANM ANGAJE POU AYITI ap kondane represyon politik bout di ekip Jovenel MOISE-PHTK ak alye yo ap fè sou popilasyon an toupatou nan PEYI a.

2 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

FANM ANGAJE POU AYITI sezi wè kòman LAVI moun vin pa gen pyès enpòtans. Moman sa n ap viv la sanble TÈT koupe ak rèy tonton makout, kòmandan ti boule, eskadwon lanmò, ninja ak FRAPH. Fanmi Ayisyèn ak konte KADAV chak jou pa pil pa pakèt. Leta a konvèti tèt li an yon leta kriminèl K ap sèvi ak represyon sovaj tankou MASAK, ekzekisyon, disparisyon yon fason pou mate kontestasyon PÈP la nan yon lapè simityè. Se chak jou pitit PEYI a ap tonbe nan endiferans konplis yon ti gwoup kolon-aferis-jounalis-politisyen djobè.

FANM ANGAJE ap konstate silans konplis yon kalte politisyen ki toujou pare pou reponn PREZAN nan tout NEGOSYASYON anba tab, negosyasyon magouy pou sépare pouvwa men, politisyen sa yo pa janm ni denonse ni akonpaye popilasyon lèl an difikilte. Fòk sa klè pou TOUT moun : lè Pèp la ap pale pawòl chanje SISTÈM PEZE SOUSE a li pa epaye pati POLITIK MACHANN PEYI yo. Fòk nou SISPANN pratik ti ekip politisyen rat do KALE sa yo ki pran PEYI a kòm boutik yo. Nan kraze SISTÈM POURI a pèp la ap pase wè yo tou. Yo toujou la pou konplote ak blan rasis je VÈT kont enterè PÈP la.

Fanm ANGAJE pou AYITI ki se SIYATÈ ALTÈNATIV TÈT ANSANM pou REBATI AYITI e K ap MACHE kole kole ak akò MARRIOTT la ap raple pou TOUT aferis politik kap pare pou RANTRE nan negosyasyon malatchong pou al monte gouvènman chanpwèl, yo pa mandate pyès gwoup al pyafe sou KADAV PLIS pase 410 KONPATRIYÒT ki pase anba woulo konpresè represyon LETA a, pou y al CHACHE djòb. Fanm ANGAJE pou AYITI rete SOUDE ak revandikasyon PÈP la ki mande Ripti. Ekspresyon revandikasyon popilasyon an rezime nan 4 pwen esansyèl ki dwe rete kòm gid TOUT demach pou soti nan kriz malouk nou ye la.

1- DEMISYON JOVENEL MOISE
a- RANPLASE L AK YON JIJ K AP SOTI NAN LAKOU KASASYON
b- YON PREMYE MINIS K AP SOTI NAN ALTÈNATIV TÈT ANSANM NAN
2- PWOSÈ PETWOKARIBE
3- PWOSÈ MASAK LASALIN AK TOUT LÒT YO
4- KONFERANS NASYONAL AYISYEN GRANMOUN NAN POU NOU SOTI AK YON PWOJÈ SOSYETE K AP GARANTI ENTERÈ TOUT MOUN.

FANM ANGAJE KONT TOUT LIDE POU AL KOABITE E BENYEN NAN SAN PÈP LA POU JWI TI PÒS AK TI KÒB.

REZISTANS SE SÈL CHIMEN POU N FÈ YON RIPTI K AP FASILITE NOU METE ANPLAS YON LÒT SISTÈM AK YON LÒT LETA.

PÒTOPRENS lendi 16 desanm 2019

Valida RIVERT
Lamercie CHARLES PIERRE
Marieuse JULIEN
Lola JEROME