octobre 17, 2021

Le Tout Au Pluriel Magazine

Nous sommes vos yeux et vos oreilles

Nan yon anbyans fèt ak kanaval, nan prezans plizyè santèn moun ki se patizan, senpatizan ak fanatik; pati politik M T V, ki se: Mouvman pou Transfòmasyon ak Valorizasyon ayiti, ke peyi a bay ti non; mouvman twazyèm vwa, te fè premye gran lansman li jodi a nan yon lotèl nan petyonvil.*

2 min read

Warning: Attempt to read property "post_excerpt" on null in /srv/disk5/3553831/www/letoutauplurielmagazine.com/wp-content/themes/newsphere/inc/hooks/hook-single-header.php on line 67
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

 

Aprè plizyè mwa ap fè vire won nan tout depatman ak vil nan peyi dayiti pou mete anpil nan selil yo kanpe, youn nan responsab pati a ki se: Doktè Rejinal Boulòs, akonpaye ak ekip politik ak teknik li te òganize yon gwo woumble nan jounen mèkredi 18 Desanm 2019 la; nan lotèl wayal wazis ki nan petyonvil, pou prezante ak tout manb ki te la gran n liy pati a ak yon lòt altènativ pou remete ayiti kanpe.

Pou li kòmanse, kowòdonatè jeneral pati a te salye tout moun, patizan ak alye l yo ki te fè deplasman soti nan 4 kwen peyi a pou lansman gwo zouti politik sa a kise: *M T V*, li voye yon chay remèsiman pou yo tout.

Pou l kontinye, li fè gwo elòj pou ewo lendepandans nou yo ki te goumen pou bay nou ti bout tè sa a tankou: Tousen Louvèti, Desalin, Kristòf, Petyon ak Katrin Flon ke chak moun ki te la te reprezante kòm pitit yo; pandan l mande pou lespri ki te nan yo a, montre nou wout inite ak pwogrè e apran n nou kwè nan yon lòt peyi ki lib ak souvren, kote ap gen pwosperite pandan limyè solèy lespwa pwal briye pou yo tout san paspouki.

Doktè Boulòs rapouswiv pou l fè konnen, pandan pati a ap lanse jounen jodi a; se yon okazyon pou nou poze, pou yon dènye fwa, yon lòt baz pou yon lòt ayiti. yon ayiti kote tout rèv sa a yo posib; rèv jistis sosyal, rèv devlopman ak rèv pwogrè ekonomik. se sa k fè eslogan *M T V* a se: « wi; nou ka fè l, nou kon n kijan pou n fè l, e n ap fè l  » !

Pandan lane 2019 la ap fini, kowòdonatè jeneral pati a; ap ankouraje chak pitit tè dayiti pou makonnen tout fòs ak kouraj yo nan batay, pou pi byen bati ayiti yo vle a, e mande yo pou aji nan sans pou chanje lavi yo pou byennèt yo nan ane 2020 k ap vini an.

Pi lwen, responsab *M T V* yo fè konnen ke lansman maten an fèt nan objektif pou prezante plis pase 500 manb ak senpatizan l yo bay tout piblik la, kote Doktè Rejinal Boulòs te tou pwofite bay yo manifès ak estati pati a. e yo gen nan objektif yo pou rive jiska 1 milyon manb pou lane 2021 an.

Aristhène René pour; Le Tout au Pluriel Magazine !!!