octobre 16, 2021

Le Tout Au Pluriel Magazine

Nous sommes vos yeux et vos oreilles

Pandan jounen samdi ki te 21 Desanm 2019 la, Prezidan repiblik la ki se mesye Jovnèl Moyiz, nan tèt yon delegasyon ki te gen ladan l; minis travo piblik la kise mesye Fritz Cayo, ak direktè general E D H la kise; mesye Ève pyè lwi, te pran wout pou rive nan komin tibiwon pou inoguire yon mikwo santral elektrik pou moun nan zòn n nan.

3 min read

Warning: Attempt to read property "post_excerpt" on null in /srv/disk5/3553831/www/letoutauplurielmagazine.com/wp-content/themes/newsphere/inc/hooks/hook-single-header.php on line 67
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Aprè dewouleman tout aktivite a, sou wout sid la, yon machin ki te gen plizyè polisye ki te akonpaye prezidan an, fè yon gwo aksidan nan komin tòbèk, kote gen yon polisye ki mouri la pou la, ak plizyè lòt ki soti blese grav; egzanp: polisye Mantoban Emanyèl; ki blese grav nan tèt.

Nan yon nòt pou laprès ki soti nan biwo Konfederasyon Nasyonal Entènasyonal Revolisyonè ki gen pou sig: (K.V.N.E.R), kote sal redaksyon Magazin « Le Tout au Pluriel » te rive jwen n yon kopi, koube l byen ba pou salye memwa tout polisye sa yo ki tonbe nan terib aksidan sa a ki te fèt pandan lajounen samdi 21 desanm 2019 la, pandan yo kriye woukoukou pou yo tout.

Pou kontinye, manb *K.V.N.E.R* yo pwofite lanse yon S O S prese prese pou leta ayisyen pran responsabilite l nan mete tout mwayen medikal nesesè pou polisye Mantoban Emanyèl, ki blese grav nan tèt li, pa rive pèdi lavi l.

Nan sans sa a, direktwa *K.V.N.E.R* a ap kondane tout fòm pwopagan n ki lakòz san pèp la ap kontinye koule.

*K.V.N.E.R* vle raple tout moun alawonnbadè, ke yon prezidan pa soti pou gran mesi, ni pou jwèt; kidonk yon prezidan pa kapab soti al fè foto ak chèf gang.

Daprè sa yo fè konnen, yo konstate ke prezidan Jovnèl Moyiz antame pandan dènye jou sa yo, yon karavan pwopagan n ki lakòz menm san polisye yo ap koule pou gran mesi. yo poze kèk kesyon pou mande: nan ki sikonstans polisye sa a yo mouri? nan ki sikonstans polisye sa a yo blese? repons nan; se pa pou anyen, se pito nan kad karavan pwopagan n ke prezidan Jovnèl Moyiz ap mennen an, lè li pwal inoguire yon swadizan santral elektrik ak solèy.

Pèp ayisyen frè m yo, ki santral enèji elektrik solèy? yon sistèm enèji elektrik solèy kote tout sitwayen ki ta gen mwayen ta dwe gen lakay ou, pou w bliye pwomès kouran 24/24 la. se vre ou dwe kopye bon egzanp, men prezidan; fè sa w kab fè nan bon jan planifikasyon, sispan n pase pèp la nan tenten.

Èske yon seri foto 4 ranje pano solèy nou wè k ap sikile sou tout rezo sosyo yo, pakab yon santral elektrik, ki mache ak enèji solèy?

Lè n voye je gade pi pre lakay nou, nan kay vwazen, san nou pa bliye wonnda; nou wè kisa ki yon santral elektrik ki mache ak enèji solèy.

Kidonk; yon majistra kominal, yon delegue depatmantal te dwe inoguire ti pwojè sa a. savledi, li klè ke se prezidan Jovnèl Moyiz ki lakòz polisye yo mouri, li pap fè sans pou l al depoze drapo nasyonal la sou sèkèy polisye sa yo, paske se pou pwopagan n pouvwa ki anplas la yo mouri, se pou fè tout moun wè ke w ap travay; alòske se pa vre.

Konfederasyon Vodou Nasyonal Entènasyonal Revolisyonè *(K.V.N.E.R)* mande pou leta pran fanmi, manman, madanm ak pitit polisye sa a yo kòm chaj, mete yo nan tè ak diyite, pou leta pa abandone fanmi yo aprè yon mwa, paske se mank reponsablite prezidan an, ki touye yo.

Daprè sa responsab *K.V.N.E.R* yo fè konnen, nou ap toujou kondane zak sa yo; kèlkeswa kote yo soti, kèlkeswa rejim k ap pratike yo. pwopagan n pap mennen peyi a oken n kote, se soulèvman ak enstabilite li kreye, dayè daprè sa yo di; ak rezilta fo pwomès, ou wè nan kisa pwopagan n ou yo lage peyi nou.

Pou nou fini, n ap di w prezidan; pèp la pa bezwen pil ak pakèt pwopagan n ou yo, e nou ranmase tout fòs nou, tout kouraj nou, pou nou kriye: Woukoukou, Woukoukou, Woukoukou pou polisye ki janbe yo; pou tout sila yo ki travèse.

Se depi nan baz, ansanm ak baz, se sèl jan l ap bon pou baz la.

Se: Adyamilokan (K.V.N.E.R) a, Gongoulele Satela kise; François Emmanuel ki siyen nòt sila.

Aristhène René; pour Le Tout au Pluriel Magazine !!!