octobre 28, 2021

Le Tout Au Pluriel Magazine

Nous sommes vos yeux et vos oreilles

Verite sou tanbou finalman an Ayiti!

3 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Ni prezidan Jovenel ni oppozisyon an an feblès, men tou d chwazi pèp la kòm sib. Sa vle di yo kenbe pèp la an otaj, tou d di se pèp la yap defann pandan ke se pou gato yap goumen.

Daprè nou menm si opozisyon an t vle Jovenel ale tout bon se pa aeyopò a yo tap bloke? Men yo oblije bloke lekòl pito, yo prefere chwazi chimen manifestasyon, yo prefere manipile nou malman lan fè nou kwè ke barikad nou se avni nou. Men ki moun ki mouri ak ale lan prizon? Ki moun lapolis maltrete? Nou menm pèp la oubyen Mesye dam opozisyon yo ak Jovenel kòm sa kap fèt la se batay pa yo?

An nou di barikad la se yon bon bagay! Dizon Prezidan Jovenel chwazi enfiltre mouvman kanpe dèyè barikad la, e sesa kap fèt. Lè moun sa yo ki enfiltre mouvman an kòmanse ransone moun, boule machinn, vyole fanm elatrye. Ki gwoup kap parèt lèd? opozisyon an, nou menm jènn yo oubyen Jovenel? Mwenm konnen se pa Jovenel kap parèt lèd menm lè nou wè Fritz Jean-Louis pran bal lan negosye ak bandi.

Fòk nou konprann ke gen yon konspirasyon pou kenbe nou menm mas pèp la lan kras pandan tout vi nou tande.

Schiller Louidor di nou monte barikad nou byen wo, menl doktè. Andre Michel di nou menm bagay la, menl avoka. E nou menm, ki tit nou lan sosyete a? Donk nou anafè ak yon pakèt ipokrit tande.

Yon ipokrit se yon moun ki di yon bagay e ki fè yon lòt.

Pandan nou kenbe lekòl fèmen an banm mande nou ki kote pitit mesye dam sa yo lekòl? Nou panse pitit yo pa ale lekòl tou depi an Septanm? Pitit Jovenel lan sam mande a tou wi. Banm di nou ke pitit tout moun sa yo ale lekòl chak jou swa lan yon lòt peyi ouubyen gwo pwofesè vini aprann pitit yo lakay yo.

Tout katye gen zam lan men yo kouniye a, yon ap touye lòt chak jou. Banm di nou ti mesye, kou nou fini touye youn lòt menm moun sa yo kiba nou zam ak kòb pou nou tout youn lòt la se menm yo menm kap voye gwo militè vini touye nou po yo ka pran peyi a pou yo. Si yo t renmen nou vre se bibliotèk, lekòl pwofesyonèl ak travay yo tap banou tande.

Twòp san koule lan peyi a sepou pèp la pran batay la an men pou san sispann koule lan peyi a sil vle pou gato vini pou li tout bon vre.

Revevey ou pèp ayisyen pou nou kafè peyia tounen yon paradi paske nou se desandan Bon Dye Toupwisan an , men nou kite pitit Satan ap pede dirije nou.

Reveye nou, reveye nou tou swit pou nou tout pa mouri.

Romane Désir

Professeur/Technicien en Communication/Consultant.

email: romanedesir119@gmail.com

Tous droits réservés, 25 Novanm 2019