jeu. Nov 26th, 2020

Ayiti! An nou gade kisa Digicel ak Natcom ap fè nou pase….

3 min read
Spread the love

This post has already been read 28 times!

Tout sa ki pral di la yo se verite… Lè digicel t vini Ayiti tout moun t kontan anpil paske mas pèp la te fatige avèk Voila , Haitel… Menm t di yo “Tout sa ki gen twòp sèl paka bon”… Anpil moun te rim lèsa.

Digicel te byen kòmase ak pèp la…. Tout ti male t gen telefòn lan men yo, e se te yon bèl bagay..

Epi Digicel achete Voilà, sa ki te kòmanse bali anpil fòs sou teren an… Tout kote nou pase moun tap pale de Digicel.. Men apre kèlke ane nou te kòmanse pran gou sèl lan Digicel…

Natcom vini paret.. Gen yon gwoup lan mas pèp ki te kouri ale lan Natcom paske se pa tout moun ki ka manje manje ki gen sèl.. Kounye a Moun ki gen bon sans yo te di ” Pral gen konpetisyon lan peyi a”. Yon bagay ki tap bon pou peyi..

Anpil moun ki te lan chomaj te vini jwenn travay ak prezans de konpayi sa yo. Men, kou yo fini byen enstale yo yo parèt vrè yo menm lan…

Moun kòmanse ap plenyen pou Digicel, yo di yo prale lan Natcom paske Se vòlè Digicel ye…. Pandan pawòl sa yo ap pale Natcom mete kòl piti anpil poul te ka jwenn konfyans pèp la…

Kouli fini jwenn konfyans pèp la, li louvri kòl menm jan ak Digicel… Kounye a chak gwoup moun ap fè ti pleyen pa yo jiskaske ti pleyen tounen gwo pleyen.

Rele Digicel pou pote plent chak jou men sèvis kliyantèl la banou bwè plis dlo sèl pou tansyon ka touye nou jiskaske nou rive konprann ke se touye yo bezwen touye nou, nou tou bay vag paske Konatèl pap janm di anyen sitou kont mouche blan…

Digicel montre nou mande plis, li vini fè nou jwe plis aza… Ak Digicel menm moun ak bib lan men rantre lan jwe aza tankou bòlèt elatrye..

Digicel ak Natcom fè nou peye davans pou sèvis ke yo ba nou, kwaksa yo kite nou itilize entènèt lè yo vle. Kijan nou ta dwe rele konpayi sila yo?

Fòk bagay sa yo sispann. Kòb nou dwe respekte pa ni Digicel ni Natcom paske se biznis kap fèt..

Lan komès yo toujou di ke “kliyan se wa”, men ak konpayi sa yo nan peyi Ayiti nou pa menm yon fetis…

Kote leta ayisyen? Jouk kilè moun ki reprezante enterè pèp la ap vini defann pèp la tout bon vre?

Èske Ayiti pa bezwen yon lòt konpayi telefòn ki pou bay pèp la bon sèvis?

Ekri pa: Sal redaksyon LE TOUT AU PLURIEL MAGAZINE..

Romane Désir, redaktè an chèf.

email:romanedesir119@gmail.com

Tout dwa rezève, 10 Mas 2020.

LE TOUT AU PLURIEL MAGAZINE! NOU SE ZYEW NOU SE ZÒRÈY OU.

Facebook Comments

This post has already been read 28 times!

Partagez nos articles
0Shares

Supportez Nous

Translate »