octobre 18, 2021

Le Tout Au Pluriel Magazine

Nous sommes vos yeux et vos oreilles

Libète pa gratis e li pap jan’m gratis.

3 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

L’heure est à la révolte, oui l’heure est à la
révolte mais comment?

Mwen se pitit Dessalines, ou se pitit Dessalines, lèw tande map di « l’heure est à la révolte  » ou gentan ap panse avèk koupe tèt boule kay hmmmmmm! Mwen santi men’m saw santi a tou, paske lè zansèt nou yo tap libere tèt yo, anba blan fransè yo se te men’m fomil sa yo te aplike. Malerèzman se pa avèk etranje Nou pwal goumen, fòn’n chanje fòmil la.(LIBÈTE PA GRATIS)

Men sonje byen Lè yo tap goumen kont blan fransè yo, yo pat gen dwa a erè, yo te gen 2 chwa, mouri ou viv, malgre yo te kon’n sak ka rive yo yo te goumen jiskobou e sak fè jodi a nou pa gen chen nan kou ni nan pye nou. (LIBÈTE PA GRATIS)

Revolisyon map pale a se yon revolisyon nan konsyans, se yon revolisyon mantal, se yon revolisyon kont movès jerans, se yon revolisyon kont koripsyon sou tout fòm, se yon revolisyon kont tout lidè politik ki pa sispan’n pran dikte nan men blan, revolisyon map pale a se yon revolisyon kont tout politisyen inkompetan kap piye peyi a epi antre nou pi fon chak jou nan mizè ilimite.

revolisyon map pale a se kont tout lidè politik ki san visyon, revolisyon map pale se kont tout lidè ki gen pitit yo lòt bò dlo epi kap mete zam nan men jèn gason ki pi vilnerab yo pou al touye pitit nou, mari nou, frè nou, sè nou, papa nou, manman elatriye, revolisyon map pale a se kont tout media ki nan koripsyon e kap sipote mediokrite nan peyi pap Dessalines nan.(LIBÈTE PA GRATIS)

Nou pa bezwen boule kay, nou pa bezwen boule machin moun ki sanble avèk e men’m sa yo ki pa sanble avèk nou, gen yon avantaj ke nou genyen «  »san nou yo paka anyen ». Nou pi plis pase yo, nou pi entèlijan pase yo, nou pi eklere pase yo. Sòti nan silans ou pale, mete nou an group pou nou kontwole desten nou si nou kite men’m betizè pwofesyonèl sa yo kontinye panse pou nou kafe nou ap koule ak ma e nou pap jan’m wè bonè nan lavi nou ak lapè nan vant ni nan tèt. (LIBÈTE PA GRATIS)

Fòs nou se nan inyon, feblès nou se nan divisyon. Wi se pa manti paske se konsa nou te pran libète se te nan (Union).

ZANSÈT NOU YO TE RETIRE CHÈN NAN KOU NOU, KOUNYE A SE TOU PA NOU POU’N RETIRE CHÈN NAN SÈVO. Eskew pare?

LIBÈTE PA GRATIS E LI PAP JAN’M GRATIS)

#L’HEURE EST À LA RÉVOLTE
GM!

La redaction de LTP

+50933264662

admin@letoutauplurielmagazine.com

Tous droits réservés, 29 Avril 2020.

LE TOUT AU PLURIEL MAGAZINE! NOUS SOMMES VOS YEUX ET VOS OREILLES.