mer. Août 12th, 2020

DIRIJAN AYISYEN SE DIRIJAN KIPI MALPWÒP NAN MOND LAN.

3 min read
Spread the love

This post has already been read 5 times!

ESKE PÈP AYISYEN YAN PA ZONBIFYE?

Lè nap gade tout kote nan mond lan, se Ayiti ki pi sal, se nou ki pi pòv, nou gen yon pakèt politisyen raketè, pifò ladan yo kite etazini pou afè pa bon, yal pran refij nan peyi Dessalines nan, avèk objektif pou piye leta nan tout nivo, nan tout sans.

Yo pran plezi nan bay pèp la manti. Lè yap fè kanpay, di yo pral fè this and that, poutan lè yo fin’n bon, se nan gwo prado yap roule, machin ke yo pat jan’m ka posede lè yo tap viv etazini, se ladan yo ou yo wè yap pase.

Eske pèp ayisyen an pa zonbifye?

Mpa ka konpran’n pou yon pèp dakò chita nan labou kwabosal kòmsi, se yon bagay ki nòmal, e lè palmantè rabi san edikasyon san visyon ap pase nan gro tèt Prado yo, yo pase ak tout vitès pou yo pa pran sant kwabosal kite vote yo a.

Eske sa nòmal pou ou?

Ou men’m! Wi, se avèw menn map pale! ou diw se ayisyen nan bouch, men nan kèw jamè! paske si’w gen yon kay, ou dako moun ap sal li san’w pa jan’m di anyen, sa kite’m konpran’n ou pa renmen viv kote ki pwòp? ou byen ou pa bezwen’l ankò? Ebyen siw pa bezwen’l kitel fè men’m jan ak lòt yo kal pran imiliasyon nan lòt peyi epi pretan’n yap byen pase.

“PITO SE TE VRE”

Siw bezwen Ayiti, ou dwe leve wva’w nan fasonw kapab, pou di fòk sa chanje, men’m jan zanzèt yo te fèl an 1804.

Sispan’n diw ou pap pale paske ou pè mouri, mvlew apran’n ou sa jodi a, se yon mit yo met nan tèt nou poun pè revandike dwa nou.
Nou se sèl nasyon ki aksepte viv nan fatre, labou, blakawout, san dlo trete, san travay, san lopital, elèv lekòl/ etidyan san avni.

SI YO RELE NOU ZONBI, NOU PA REPONN, SE TANDE NOU PA TANDE, SAW WÈ?

Anh! ou dakò nan tan modèn sa, pou entènèt se yon luxe toujou? anh! ou dakò pou se yon sèl group moun ki gen kontwòl peyi a?
Anh! ou dako pouw wap travay pandan 10 an ou sanble yon ti kòb, pouw voye achete yon ti machin nan peyi etranje, men koulya ou pa ka men’m dedwanel, paske se yon group ki gen monopòl anndan an.
Yo telman mande’w anpil lajan ou oblije tou kitel pou yo.
Anh! ou dakò ti tè’w fin’n achete a, ou pa men’m ka pase souli paske gro zotobre nan leta ou byen yon zanmi gouvèman pran’l nan men’w? Anh! ou dako si pitit ou malad nan nwit ou pa gen lajan nan men’w, li ka mouri… ebyen siw dakò konnen’w se yon “mort vivan”, men si’w pa dakò leve wva’w pou di NON!!! grenadye also: fòk sa chanje.

Toutotan nou dakò nèg san visyon, san karatè politik, dilè dwòg, nèg ki nan tout sak pa bon, nèg ki pa ka gade blan nan je, nèg san entegrite, nèg ki pran anbasadè pou Bondye dirije nou, ebyen konpatriyòt mwen yo, se men’m rezilta sa yo nap toujou genyen.

Si’w bouke mache sou labou, si’w bouke, manje sou fatra, si’w bouke domi grangou, siw bouke tan’n moun lonje men ba ou, zanm’m lè a rive pou’w revolte kont tout bagay ki pa nòmal nan peyi a.

12/05/2020

GUITAL MERCEDAT, LE VISIONNAIRE.

TOUS DROITS RÉSERVÉS,

LE TOUT AU PLURIEL MAGAZINE!
NOUS SOMMES VOS YEUX ET VOS ORREILLES.

Facebook Comments

This post has already been read 5 times!

Partagez nos articles
0Shares

Supportez Nous

Copyright © All rights reserved. | Legend Global Tech by PierreFils Fleurissaint.
Translate »