octobre 19, 2021

Le Tout Au Pluriel Magazine

Nous sommes vos yeux et vos oreilles

Nòt solidarite pou RNDDH

2 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Dèlma, 12 me 2020

 

Se avèk gwo sezisman Rasanbleman demokrat nasyonal progresis yo (RDNP) aprann lokal Rezo nasyonal k ap defann dwa moun yo, RNDDH, te sibi atak ak zam nan lannuit dimanch 10 me 2020 an. Nan sans sa a, dapre bon jan enfòmasyon ki rive jwenn RDNP : baryè prensipal òganizasyon an genyen plizyè enpak bal ki vizib.

RDNP endiye epi kondane ak tout fòs li zak entolerab sa ki vize yon sektè ak yon gwoup moun nan sosyete peyi Dayiti. Vye aksyon sa yo chita sou sa kèk moun ta vle fè kwè apati evalyasyon ak jijman yo fè ki pa makonnen ak ideyal demokratik yo. Enkyetid RDNP vin pi gran a chak fwa zak sabotay ak entimidasyon sa yo atenn enstitisyon ki bay tèt yo devwa pou defann dwa moun yo. Lèkonsa, se senbòl dwa ak libète fondal natal yo ki atenn jouk nan rasin yo.

Poutan, RNDDH genyen tout lejitimite li nan defann dwa moun atravè pwovizyon li jwenn nan Deklarasyon inivèsèl dwa moun yo ak lòt tèks fondamantal. Lejitimite sa a jwenn plis fòs toujou nan Konstitisyon 1987 la nan atik 2 paragraf 4 ak atik 19 la ki fè Leta ayisyen obligasyon pou garanti Dwa ak lavi epi Libète tout sitwayen ayisyen ak tout enstitisyon legal, pami yo, RNDDH.

RDNP ap fini nòt sa a nan renouvle solidarite li ak RNDDH e li espere otorite ki konpetan yo ap kapab louvri bon jan ankèt pou verite ka tabli e pou koupab ak konplis yo kapab pini selon sa Lalwa rezevè pou zak yo komèt la.

Ensemble, ensemble, ensemble, jusqu’à la victoire finale,

MET MEN PRAN DESTEN NOU AN MEN !
Dr Ricardo Nordain
Sekretè jeneral adjwen

Kominikasyon

 

La redaction de LTP

+50933264662

admin@letoutauplurielmagazine.com

Tous droits réservés, 13 Mai 2020.

LE TOUT AU PLURIEL MAGAZINE! NOUS SOMMES VOS YEUX ET VOS OREILLES.