octobre 19, 2021

Le Tout Au Pluriel Magazine

Nous sommes vos yeux et vos oreilles

Mèsi BRH, Mèsi Baden ou pa janm pou pèp vre ankò

2 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Si w bezwen jwenn transfè a an dola, fòk ou gen kont an dola labank sinon, ranmase pil goud al manje salami. Yon sòt d sentiwon Gouvènè a fè pou revoye nou nan bouch lyon ankò. Tout jan nou bannan!

Ravèt (pèp la) pa janm gen rezon devan poul (labank ak mezon transfè yo) men li konn gate sòs poul la joul tonbe ladan. Lè Prezidan an t pran mezi tout tranzaksyon komèsyal ap fèt an goud nan peyi a, pil malpouwont yo te rale tout gwo teyori pou montre sa pa bon men, yo te aplike l pou sou kat kredi ak debi pou yo t kapap kontinye ap aplike to yo vle sou pòv malere. Kounye a, se transfè yo konvèti an goud nèt pratikman, piske malere ak malerèz yo voye ti kòb la pou li a pat janm gen kont labank.

Bon menmsi li ta gen kont, labank lan ap toujou di l pa ka pran plis pase 100 dola, 500 dola. Depi li nan 1000 salami voye pou li. Tout jan yo mare 2 boul pèp la sere. Pandansetan yo pa fè anyen kont mèt kay k ap dechire moun pou peye yo an dola. Kèt mesye yo fè konplo a je klè, nan figi tout moun.

Ekip la kanpe solid kont tout sa ki ta vin pou pèp la. Wowww gadon defans beton anfas pèp la. Aryè santral sa (Bank santral) pa kite anyen pase pou bank ak mezon transfè yo pa pran gòl. Sinon, l ap pèdi kontra li, manje, machin li, gaz li ak tout lòt resepsyon yo konn envite kay gwo mesye yo.

Frè labank peyi dAyiti pi wo pase tout peyi, sèvis labank isit koute tèt nèg. Afè kat menm se laraj. Jean Baden Dubois la pou ranfòse yo ak sikilè tèt chat men, se plan batay yo. Bann san konsyans! Si w wè tifigi l lè li potko gouvènè!

Ala ti pèp gen tray pou l pase anba dirijan mechan sa yo!

Yvenert Foeshter JOSEPH
jyvenert@yahoo.fr
LA REDACTION DE LTP!!!
LE/20/6 2020
LE TOUT AUPLURIEL MAGAZINE
NOUS SOMMES VOS YEUX ET VOS OREILLES.