mer. Août 12th, 2020

Nou senyen nan lang , donk nou konn gou san …

4 min read
Spread the love

This post has already been read 10 times!

Nou senyen nan lang , donk nou konn gou san …

pa dwe gen jwèt ankò nan batay la…
Si nou panse nap kontinye plede mache ak pil branch bwa nan men nou, ekri madjigridji nan mi, nap travay pougremesi.
“le chien ap toujou aboie, et la caravanne passe toujours ”
Nou rive nan yon faz la kote vè a plen, tout kondisyon reyini , mond lan chanje faz, donk fòk chanbademan fèt.

Nou konn sak fè nou toujou rive nan wout?

1-opresè yo dewoute mistik peyi a

2-sèk mistik, sèvitè yo visye, souflantyou, se yo ki ride rapas yo fè predatè yo fè Ayiti paka respire .

3- anpil nèg nan opozisyon an se Agranman , gen tou se mechan yo ye tou, donk depi bato a ap koule, enterè yo menase, yap kraze lit la.
Anpil nèg kap pran pòz gwo gòj yo te vale nan lajan petrokaribe a, anpil ap piye peyi a tou, anpil gen bandi pa yo tou ke yap bay zam ak lajan.
se pa neg pouvwa yo selman ki mechan, yon bò nan opozisyon an se mechan yo ye tou, yap veye tranzisyon pou yo vin piye, fòk tout neg sa yo peye pou mal yo fè AYITI .
nou pa remake anpil moun ap di apa nou pa di anyen nan gagòt kap fèt la, nou konn rezon an?
se paske 99% lidè yo gen viris sou yo, yo paka mennen pèp la vre.
Jenès sa, veye li, pifò neg kap radote se yo ki pral pran larelèv tande…
Tig la piti, li pako mechan, predatè yo chase pou yo, wap tande zen tande!

Kote nou konn tande mouvman pasifik , mouvman griyen dan bay rezilta an AYITI?
Rezilta se toujou mèsenè yo fè jwe nan krann nou, pitit gettho yo toujou pa antre.

eske nap kontinye mouvman Mister Bean sa?
eske nap bay mechan yo legen?
souke kò nou kont opuim sa ki andòmi nou an…
kilè nap aji vre, tape pi fò?
nou sanble ap kite tribilasyon an frape PEYI a san objekif nou pa reyalize ?
nap rantre, travèse kadav nou yo?
nou panse nanm viktim yo ap anpè ?

Kilè nap fini ak ti jwèt Dezirab , Bègòy sa pou nou pase a laksyon?

Nap anploye langaj bèbè epi nou bezwen yo tande nou; nou ka fèl!

Cessez d’agir comme des enfants de coeur ou comme le fameux comédien Haïtien ” Jesifra ”

Nou nan yon faz la nou paka jwe, tout mouvman ki koze prejidis wap mennen, echèk ou ap gen gwo retonbe sou ou.
Se moman pou nou akselere
se moman pou nou tape pi fò.

Si se vizaj enfant de coeur sa nap kontinye afiche; yap toujou kwè ti mari pap, ti mari pap desann.

Si fason nou ye la, onètman Jovenel ak tout lòt mechan ap limen boom box li byen fò, lap chante “le chien aboie, la caravane passe”

Nou chita kite opresè a enfiltre zouti li yo nan mitan nou pou devyen …
Nou pa bezwen Legliz kap radote, nou bezwen aksyon.
Nou pa fout bezwen Petroatis pou fè pèp la danse kanaval, nou bezwen Mizik angaje kap estimile pep la pou li aji tankou lyon .

Ann pran desten nou, nou panse opresè yo vin regle yon bagay nan mitan nou?

Nou sonje bondye te di moun yo, nap fè 7 tou miray JERIKO a epi lap tonbe, apre 7 tou a, miray la te tonbe…
Si lidè evanjelik yo te ak pèp la vre, yo konnen sa yo ta dwe fè.
legliz se Zouti sistèm lan.

Nou sonje lè legliz katolik te pran lari a?
yo pat vin mete men nan pat la vre, sete rityèl yo te vin fè pou andòmi nou.
Baton majik ki nan men PÈ a, li konn sa li dwe fè ak li…
Si legliz katolik te vle Jovenel ale vre, yo konn sa yo dwe chante Libera nan bouda misye!

Si pifò dirijan VOUDOU nou yo pat visye, si yo pat tou wòz menm jan ak Kadinal Chibly Longois , yon konn ki entèpelasyon yo ta dwe fè.

Eske limyè sèk la maçonnerie an la pou klerone peyi DAYITI ?
eske mason yo patisipe nan devlopman peyi an?

kounya map di nou; etranje yo mete nan tèt yo se jwèt TOM and JERRY nap fè, fok nou voye yon repons ale sitou bay OEA apre deklarasyon li sou 7 fevriye a, repons sa se pa vizaj sa nap bay la.

Lajenès si nou pa tape pifò, si nou pa akselere, si nou pa grense dan nou, si nou pa ruji, yap bon sou nou.
Neg yo ap veye nou rasazye, donk si nap jwe yap gen rezon.
pa bliye ke gen anpil jèn ki nan mitan nou ki se mechan tou, yo pa vin batay pou peyi vre, se tèt yo ke yo vin jere epi al fè relèv nan sistèm peze souse sa.

Medya isit se tyoul mechan yo, se yon depatman nan sistèm kap fini ak peyi a.
yo la pou radote, detounen epi jere bòs yo kise boujwa santi ak politisyen konwonpi yo.
yo se premye koupab la.

Nou dwe pase a laksyon , soulèvman jeneral se sèl solisyon pou kapote sistèm lan.

ann aji tankou lyon pou nou jwenn rezilta !
Sistèm lan rive nan bout li.
fòk li kaba !

Michel Saby.

Facebook Comments

This post has already been read 10 times!

Partagez nos articles
0Shares

Supportez Nous

Copyright © All rights reserved. | Legend Global Tech by PierreFils Fleurissaint.
Translate »