jeu. Nov 26th, 2020

Lèt ekri pa FRANC LENA.BONSWA PREZIDAN JOVENEL MOISE

2 min read
Spread the love

This post has already been read 2022 times!

Bonswa prezidan Jovenel, prezidan Mwen ekriw tilèt sa poum diw kouraj, Mwen konen ou pèdi yon moun kite chè pou ou. Mwen konen ou nan yon gwo soufrans, Mwen te pase nan kalamite sa tou 16 janvye 2020 ,soufrans sa di anpil prezidan, sitou lè se yon mechan k’ap pran gou soufrans, ki pat panse soufrans te ekziste tèlman li mete moun nan soufrans.
Mwen koubem byen ba poum diw kouraj prezidan.

prezidan m’ap fèw sonje se konsa anpil pitit nan lasalin, site soley, matisan, kafou aviyasyon, kafou fèy tap soufri, poum site sa yo sèlman.
Manman ak papa etidyan yo asasine a, ap soufri anpil, fanmi Me DORVAL nan grow bout soufrans tou.

Fanmi jounalis Legagneur nan Menm soufrans ak anpil lòt fanmi jounalis.

Prezidan se chans paw wap bay papaw gro bout antèman, moun yo te masakre lasalin yo se kochon kite manje yo, gen lòt zòn masak te fèt se twou yo fouye mete yo.

Tanpri prezidan pale ak papaw dil lèl rive bò kote Bondye nan syèl la, dil di Bondye voye yon zanj vini chanje kè dirijan ayisyen yo, yo trò kriminèl.

Prezidan lè wap pran la pawòl nan antèman papaw pa bliye fè yon ti pale pou tout moun ki masakre ,ki pran bal nan tèt, ki disparèt sou pouvwaw la.

Mwen renouvle angajmanm poum diw kouraj nan non papaw ak tout ayisyen yo masakre sou administrasyonw lan.

Kouraj prezidan Jovenel.

Franck Lena.
JOUNALIS RADYO TELE ZENITH.

MADI 7 OKTÒB 2020

TOUT DWA REZÈVE

LE TOUT AU PLURIEL MAGAZINE.

NOU SE ZYE Ak ZÒRÈY OU..

Facebook Comments

This post has already been read 2022 times!

Partagez nos articles
0Shares

Supportez Nous

Translate »