octobre 18, 2021

Le Tout Au Pluriel Magazine

Nous sommes vos yeux et vos oreilles

Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Ala bèl sa ta bèl, si pandan w »ap mande rekonsilyasyon an, ou te pèmèt moun la salin, bèlè, delma 2, kafoufèy, site soley, aviyasyon, Tokyo, ak pakèt militan kite pran bal nan tèt nan peryòd manifestasyon yo jwenn jistis.

Ala bèl sa ta bèl, si pandan w’ap mande rekonsilyasyon an, ou ta fè mare pil vòlè ki manje lajan petrokaribe a, pi fò nan yo se bwa dwat ou.

Ala bèl sa ta bèl, si pandan w’ap mande rekonsilyasyon an, tout jounalis kite disparèt, asasine sou administrasyonw lan fanmi yo ta jwenn jistis.

Ala bèl sa ta bèl, si pandan w’ap mande rekonsilyasyon an, fanmi pè Simolly ta jwenn jistis ak legliz katolik an ayiti.

Ala bèl sa ta bèl, si pandan w’ap mande rekonsilyasyon an, fanmi Grégory St Hilaire ta jwenn jistis, USGPN te touye nan inivèsite a .

Ala bèl sa ta bèl, si pandan w’ap mande rekonsilyasyon an, fanmi Me Dorval ta jwenn jistis vwazenw kriminel pouvwa te touye jou vandredi kite 28 dawou 2020 an bò lakay ou zak la te fèt.

Ala bèl sa ta bèl, si pandan w’ap mande rekonsilyasyon an, tout prizonye politik yo ta libere ak tout lòt ki nan prizon san jije machann jistis kenbe yo pou lajan.

Ala bèl sa ta bèl, si pandan w’ap mande rekonsilyasyon an, fanmi Roberto Badio Lima ta jwenn jistis patizanw yo te asasine devan lopital jenerel lite gen 13 zan sèlman.

Ala bèl sa ta bèl, si pandan w’ap mande rekonsilyasyon an, yon jou ou ta pran madanm ou ak pitit ou , pou ale nan katye popilè yo al ramase pakèt zam ou bay patizanw yo, pou yo teyorize popilasyon an.

Ala bèl sa ta bèl, si pandan w’ap mande rekonsilyasyon an, ou ta fè lajistis mare tout kidnapè kap kòpere avèw pou fè 2022.

Ala bèl sa ta bèl, si pandan w’ap mande rekonsilyasyon an, fanmi tout polisye ki asasine nan peryòd ou a ta jwenn jistis e pou gro chèf sispan mande yo fanm lè fin’n mouri .

Ala bèl sa ta bèl, si pandan w’ap mande rekonsilyasyon an, 33 kay ou te promèt depi 2018 pou timedam u 20 yo kite ale nan koup dimond lan ta fèt promès se dèt.

Ala bèl sa ta bèl, si pandan w’ap mande rekonsilyasyon an.ou ta pran konsyans pou kite kriminel ak esklav mantal.

Ala bèl sa ta bèl, si pandan w’ap mande rekonsilyasyon an, ou ta pran konsyans ak tout fanmiw zanmiw yo , ak tout rès akolit ou yo k’ap fè krim ak sakrifis pou kenbe pouvwa. Nou tout ta al mete tèt nou nan penitansye nasyonal.
Tanpri pa bliye lèw rive dèyè bawo bat pou genyen yon ti panse espesyal pou tibebe 6 mwa bandi a zam ki idantifye tèt yo kòm patizan pouvwaw la te touye nan komin gatye, tanpri granfrè sonje 15 timoun kite griye anba dife nan òfelina fèmat la nan ti réflexion wap genyen pou fè dèyè bawo. Li ka sou tè ou byen nan syèl la. Saw plante seli w’ap rekòlte.

Samedi 24 octobre 2020
5h 58 PM

EKRI PA
Franck Lena
Journaliste Radio Télé Zenith.

TOUT DWA REZÈVE
25 OCTOBRE 2020

LE TOUT AU PLURIEL MAGAZINE.

NOU SE ZYE OU AK ZÒRÈY OU…