sam. Déc 5th, 2020

Rezilta bakaloreya Evelyne Sincère soti toutouni sou yon « pil Ayiti » gwo midi sou silans 13 milyon zonbi k ap dòmi.

3 min read
Spread the love

This post has already been read 2634 times!

« ….Sa k pa konnen Ayiti, men Ayiti….
bandi legal yo debake…. kite peyi m mache… sa se viktwa pèp la a… barikad yo se avni nou…vide lwil sou wout yo… ti rès la pou pèp la… apre Bondye nan syèl la se mwen… nou kenbe pouvwa pou 50 lane…. Peuplement parlant manda m ap bout 7 fevriye 2022… ak feraderasyon gang yo, G9 fanmi e alye peyi a konnen mwens moun ki mouri… Eleksyon l ye tonton…. Chanjman konstisyon wè pa wè…»

Ala fout salmanaza sa a, papa, andidan larepiblik zonbi niche. Gade zonbi… Gade zonbi… Gade zonbi… Zonbi yo toupatou. Nou fout di ase. Moun ki konnen yo pa nan manje lajan chango, an nou fout pote sèl ak fwèt pwakongo pou n fout kale ak chase zonbi ki nan medya, ki nan lajistis, ki nan lakilti….

“Nou fout di ase kale pwa bòl la plen.” Kè nou fout plen. Nou ankese twòp kou, bann zonbi dou.

Kadav Evelyne depoze sou yon « pil Ayiti », tòtire, imilye, vyole, dechalbore. Apre katòz lane sakrifis konsanti sou ban lekòl tèt anba, jodiya rezilta bakaloreya Èv soti toutouni sou yon « pil Ayiti » kote mouch ap jwe konsè pou yon opozisyon ak yon leta demisyonnè, san pidè, san karaktè, tout voum se do… Espektaktè menm ap bouche nen pou yo bwè « dlo Ayiti » chak jou Bondye mete; Viktim ap mande lenjis lajistis, ap tann rezilta ankèt nan men raketè malgretou. Anverite twa fwa youn nan nou pa fout pitit Desalin, bann radotè, foukè, eskanmòtè…

Nou gade sinema masak la salin lan, pa gen pwoblèm, n ap tann ankèt. Nou gade sinema masak kafoufèy la a, pa gen pwoblèm, n ap tann ankèt. Nou gade sinema Mèt Dorval la, pa gen pwoblèm, n ap tann ankèt. Nou gade sinema Saint Hilaire Grégory a, pa gen pwoblèm, n ap tann ankèt. Nou gade sinema masak lafag la, pa gen pwoblèm, nou pa bezwen ankèt pou sa, moun sa yo pa moun. Masak sou masak nan bèlè toupre palè, pa gen pwoblèm, moun sa yo merite sa a. Èske nou fout serye dwazimen? Èske nou fout serye sosyete sivil? Èske nou fout serye legliz? Èske nou tout serye lajistis? Èske nou tout fout serye….

Ala pèp renmen sinema sa a, papa! Nou gade menm film chak jou, nou pa janm repiye l. Nou fout tout lèd, bann lanmèd.

M ap fout tann Roody Roodboy nan kakaval.
M ap fout tann Ti Pay nan Kakaval. M ap fout tann Boukmann eksperyans nan kakaval. M ap fout tann tout Atis angaje nan kakaval. Bann blofè.

Kouray, fanmiy Evelyne Sincère!
Kouray, fanmiy ayisyen!
Kouray, fanm Ayisyen!

Camoëns Zicky Daniel.

LE 4 NOVEMBRE 2020

TOUT DWA REZÈVE
harryespoir@gmail.com
téléphone 50948438136.

LE TOUT AU PLURIEL MAGAZINE.

Nou se zye ou ak zòrey ou…

Facebook Comments

This post has already been read 2634 times!

Partagez nos articles
0Shares

Supportez Nous

Translate »