novembre 28, 2021

Le Tout Au Pluriel Magazine

Nous sommes vos yeux et vos oreilles

Mardi 8 Décembre 2020.Bonswa prezidan Jovenel.

2 min read

Mwen toujou riii lè map relew prezidan , pou mwen se yon rèv nan je klè, menm jan oumenm ou toujou panse nan rèv ou ye lèw wèw prezidan. menm jan gen manman ki konn fè kouch fòse, sa vledi avòtman timoun nan konn mouri, gras a Dye kout zèklè ki fèv prezidan an, ou pa mouri nan pasaj.

Prezidan lè map tandew k’ap pale , mwen toujou panse se yon machinn gazolin, mòflè kase k’ap fè bri san rete. Dèfwa ou fèm sonje yon kaka kleren nan peyim kavayon kite rele bwè nan tout boutèy, lèl sou li toujou deraye menm jan ou toujou deraye nan sa wap di, poum pa di ou debòde tankou yon rivyè k’ap desann.

Prezidan eske lèw te mekanisyen pat genyen blòk motè kite tonbe sou tèt ou ? Paske lè wap pale ou tankou Moun ki fè maladi azaymè, mwen pa janm konprann sa w’ap di.

Prezidan nan vil pòdepè ou pwouve pèp ayisyen an, ou se gro blofè si wap mande kanaval aloske ou menm ak pakèt makwali ki nan ministè sante piblik yo, tap klewonen genyen anpil ka kowona viris.

Sevre tout moun konen ou genyen yon opozisyon abolotcho ki anfas ou ,ki pa itil menm jan avèw.
M’ap mandew svp respekte pèp ayisyen, se premye fwa pèp ayisyen tonbe nan yon demagròg tankouw, ak yon opozisyon demagoji, menm andan opozisyon an genyen opozisyon, bagay sankoutya menm jan avèw.

Prezidan pèp ayisyen an bouke avèw , ou koz timoun pakapab aprann byen lekòl , diskouw yo pote konesans espri medyòk ki tonbe sou tè dayiti, menm jan lè Jezi te lage zanj rebèl yo atè, mwen santi ou pi mal ke yon zanj rebèl.
Svp zanj rebèl lè 7 fevrye rive, retire kòw pa rete, nou pakapab konte kadav ankò, sevre mwen konen ou renmen bwè san.

Prezidan ak tout respè mwen gen pou ou, eske manmanw te fou, poum pa di ou te tete lèt moun fou, si mandaw ap fini 7 fevrye 2021 ou anonse kanaval nan pòdepè, ou pi mal ke moun anraje.

Pou fini prezidan, mwen konseyèl avan 7 fevrye 2021 pou antre nan yon legliz pou al mande Bondye sekou, pou san moun lasalin yo pa kouri dèyèw. Poum site lasalin sèlman.

Bon vwayaj PREZIDAN Jovenel Moïse.

Franck Lena
9h PM.

8 DÉCEMBRE 2020

TOUT DWA REZÈVE
harryespoir@gmail.com
téléphone 50948438136.

LE TOUT AU PLURIEL MAGAZINE.

NOU SE ZYE OU AK ZÒRÈY OU…

Copyright © All rights reserved. | Newsphere by AF themes.