octobre 17, 2021

Le Tout Au Pluriel Magazine

Nous sommes vos yeux et vos oreilles

Opinyon: Jounalis Robenson Fils-aimé reyaji sou Koze ensekirite ak Kidnapin nan sitou epi konpòtman pèp Ayisyen fas ak Leta a.

3 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

HAÏTI POLITIQUES ET
SOCIÉTÉ

LE TOUT AU PLURIEL MAGAZINE
NOUS SOMMES VOS YEUX ET VOS OREILLES.

Nou menm ayisyen, mwen vrèman pa konprann nou. Mwen konstate Kòman nou dakò yo demounize nou, fè nou vin pi mal ke bèt. Kòman? Chak jou n ap peye taks, enpo, pou n peye yon pakèt malpwòpte tankou: Prezidan, premye minis ki chèf CSPN, Minis jistis ak sekirite piblik, minis, Enterye, Chef lapolis, pou n site sa yo sèlman nan lide pou ban nou sèvis nan yon fason oubyen lòt. Travay pa fèt nou jis rete ap gade san fè anyen.

Tout otorite sa yo m sot site la yo, yo gen sekirite, yo gen machin blennde, y ap viv byen sou do nou, pandan nou menm n ap viv mal, n ap viv nan kras ak kè sote. Se nou k pa ka manje, se nou k pa ka al lekòl, ki pa jwenn sekirite, y ap vyole nou, y ap asasinen nou, y ap kidnape nou.

Sa k enèvan nan sitiyasyon jeng nou ye la, se konpòtman mas pèp la. Kòman ?

Pou sa k gen rapò ak kidnapping lan sitou, chak moun yo anlve, paran, pwòch, zanmi oubyen moun ki nan menm sektè ak viktim nan deside fè mobilizasyon pou libere l. Donk, depi moun nan pa atake dirèkteman, li rete pasif, li pa kyè, oubyen li afiche yon konpòtman ki ta vle di li pa konsène. Se manti.

Nan tout sosyete kote moun ap viv, ou t ap ka atann ou t ap jwenn reyaksyon pèp la otomatikman nan yon sityasyon konsa. Mwen remake gen yon absans de yon Konsyanskolektiv. Se sèl sa ki pou ta deklanche yon soulèvman popilè nan lide pou fòse Leta frennen tout zak kriminèl sou tout fòm. Dayè se nèg nan Leta a ki gen gwo privilèj, chèk ak mwayen pou sa. Pa kont, si yo konplis ladan l, se lave men siye atè. Paske nou pa ka mande yon vòlè mare tèt li.

Tout sa, se jis pou m di tout Ayisyen ki pa dakò ak ensekirite mas pèp la ap viv la. Se nou ki pou leve kanpe. Dayè nou remake se sèl nou ki viktim, nou ki nan popilasyon sivil la, « klas mayèn », ti malere yo. Se yon reyalite. Èske nou ka konstate prezidan, palmatè, minis, sekretè deta ak chabrak nan sektè prive a pa janm sibi okenn ka kidanpin de prè ou de lwen. Donk nou dwe konprann konplo ki fèt sou nou an.

Pèp ayisyen desten w nan men w; kreyon w lavi w nan men w, trase l jan w vle. Pa tann se ou, yon zanmi w oswa yon pwòch ou ki viktim pou fòse, san kondisyon Leta pran responsablite l paske nou peye l pou sa. Se yon devwa pou yo sekirize sou tout fòm.

22 Janvye 2021

Écrit par

Robenson Fils-aimé
Jounalis, Etidyan nan Dwa, jèn angaje
Salmisteroben@yahoo.fr
Tel: (509)48491402

LE 22 JANVIER 2021

TOUS DROITS RÉSERVÉS
harryespoir@gmail.com téléphone 50948438136.

LE TOUT AU PLURIEL MAGAZINE.

NOUS SOMMES VOS YEUX ET VOS OREILLES..