Le Tout au Pluriel Magazine

Nous sommes vos yeux et vos oreilles

Opinyon: Yon ti koudèy sou entèvansyon prezidan an, selon Robenson Fils-aimé.

2 min read
Spread the love

M ap tande entèvansyon Président Jovenel Moïse la devan Konséy sekirite a, antanke ayisyen, mwen tris epi m gen yon santiman revòlt. Pou m wè « prezidan » an k ap kontinye banalize onè, fyète ak grandè nasyon ayisyèn nan, premye pèp nwa lib nan monn lan.

Pandan m ap tande apredye, mwen gen lenpresyon l te jis vin pote plent devan entenasyonal la pou opozan l yo ak tout sektè ki pa deside aksepte deriv l ap fè nan peyi a.

Nou ka remake tou, nan vwa l, li se yon nonm trake epi ki gen yon ògèy, yon dan pou laprès ayisyèn. Li prezante sektè sa a kòm yon espas gang. Men an pati, li gen rezon. Paske malgre tout deriv ak vyolasyon dwa moun rejim nan ap koze nan peyi a, yo fè silans jis pou yo pa konpwomèt kontra anba tab yo gen nan gouvènman an.

Yon lòt kote, mesye Moïse pwouve konsèye l yo, ki ta swadizan entelektyèl, yo pa alawotè pou ta nan antouraj prezidan an malgre yo gen tout mwayen ak privilèj disponib oubyen nivo ti visye yo twòp jis pou yo pa pè pèdi dyòb yo.

Anfen nou ka remake tout reprezantan lòt peyi yo ki reyaji sou entèvansyon prezidan an, vrèman pa pran lokatè palè nasyonal la oserye menm menm. Anplis, yo prèke banalize tout diskou l la. Dayè l pa t dwe la.

PS: Selon, anpil espesyalis nan domèn lan, yo presize sa pa antre nan responsablite yon chèf Deta, men sa se tach yon senp anbasadè, yon minis afè etranjè, etsetera.

Kilè n ap sispann mete moun enkapab nan plas yo pa merite nan peyi a ???
Kilè n ap reprann diyite nou pou n leve figi peyi a devan lemonn antye ?

Robenson Fils-aimé
Jounalis, Etidyan nan Dwa, Jèn angaje
Tel: +50948491402
Email: Salmisteroben@yahoo.fr

LE 23 FÉVRIER 2021

LA RÉDACTION DE LTP !!!
harryespoir@gmail.com téléphone 50948438136.

LE TOUT AU PLURIEL MAGAZINE.

NOUS SOMMES VOS YEUX ET VOS OREILLES..

You may have missed