Le Tout au Pluriel Magazine

Nous sommes vos yeux et vos oreilles

Nòt pou laprès Estrikti PAPA (Patriyòt Aktif Pou AYITI)

2 min read
Spread the love

Libète                                       Egalite                                    Fratènite
Repiblik AYITI

« PAPA »
Patriyòt Aktif Pou AYITI

Samdi 6 Mas 2021

Nòt pou laprès

Estrikti PAPA (Patriyòt Aktif Pou AYITI), ap salye laprès an jeneral, tout òganizasyon nan katye popilè yo, sektè dwa moun yo ak tout polisye nan 4 kwen peyi a, nap pwofite bat bravo pou polisye ki tap travay jou Dimanch 28 fevriye 2021 an ki te aji ak anpil pwofesyonalis pou reyisit mach sila.

PAPA, koube l pou l salye espesyalman pèp Ayisyen an ki te reponn prezan an gran nonb nan mach 28 fevriye pase a kote nou tout te fè prèv sajès nan fason nou ini nou pou nou mande Ansyen Prezidan Defakto a Jovenel Moïse ak chèf gouvènman Defakto PHTK Joseph Jouthe pou yo respekte manda konstitisyonèl yo a ki bout depi 7 fevriye 2021 pase a pou pèmèt peyi a jwenn yon estabilite.

PAPA (Patriyòt Aktif Pou AYITI), salye inisyativ Sektè Sante a ki lanse yon mach depi kòmansman semèn nan pou demen dimanch 7 Mas 2021 an yon fason pou di NON ak Ensekirite a ak tout lòt pwoblèm ki pa janm sispann repete chak jou nan medya ak sou rezo sosyo yo. Nap mande tout popilasyon an, Medsen, Enfimyè, Travayè, Sendikalis, Pwofesyonèl, Avoka, Pwofesè, Chofè, Ti machann pou nou tout fè yon sèl pou akonpanye Sektè Sante a nan gwo angajman sila pou sove peyi a paske kesyon Ensekirite a espesyalman kidnapin nan se nou tout ki konsène e se nou tout ki pou di NON sa dwe sispann pandan nap mande gouvènman Defakto a bay peyi a yon chans pou pitit li rale yon souf.

Yon lòt AYITI posib paske ansanm nou ka sove AYITI!

YON JOU LAP JOU!

Kòdinasyon PAPA ( Patriyòt Aktif Pou AYITI).

GROS NEGRE Abelson.

Angelot ST LOT
CHARLES Junior.
LE 6 Libète Egalite Fratènite
Repiblik AYITI

LE 6 MARS 2021

SAL REDAKSYON DE LE TOUT AU PLURIEL MAGAZINE.
harryespoirmichel@gmail.com telephone 50948438136.

LE TOUT AU PLURIEL MAGAZINE.

NOU SE ZYE AK ZÒRÈY OU…

You may have missed