octobre 16, 2021

Le Tout Au Pluriel Magazine

Nous sommes vos yeux et vos oreilles

NÒT POU LA PRÈS: Operasyon Tèt Ansanm

2 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Operasyon Tèt Ansanm sezi wè espestak la wont rejim bandi legal ki kembe pouvwa a defakto nan peyi dayiti kontinye ap ofri peyia nan zafè desisyon pou detente anpil machine ki te deja peye leta pou benefisye sèvis la.

Operasyon Tèt Ansanm vle ekzòte pèp ayisyen an pou pa pran nan pyès pawòl degrenn gòch ki vle fè kwè ta gen machwè gonflé ant palè nasyonal ak primati akòz zafè detente machine.

Operasyon Tèt Ansanm vle fè tout pèp ayisyen an konnen swadizan machwè gonflé ant palè nasyonal ak primati a se yon estrateji divèsyon pale anpil yon fason pou eseye fè pèp la bliye tout kalamite peyia ap viktim nan dènye tan sa yo anba rejim la wont PHTK Jovenel Moïse la.

Lè nou tout deja konnen tout sa rejim defakto a ofri peyia depi 10 zan tankou kowipsyon, kidnapping, grangou nan vant, vyolasyon dwa moun, masak nan katye popilè yo elatriye, pèsonn moun pa egare pou ta kwè te ka gen machwè gonflé ant menm atoufè ki mete Ansanm depi 5 lané pou kraze peyia.

Tout Ansyen palmantè ki nan mouvman Operasyon Tèt Ansanm pat janm sispann denonse move pratik pouvwa defakto Jovenel Moïse la ki te toujou separé bidjè peyia tankou lo patat kote chak gwo zotobre ak sila yo nan sektè privé ki pwòch pouvwa a jwenn lo pa yo.

Swadizan bouch louvri machwè gonflé ant palè nasyonal ak primati konsènan desisyon pou kampe sou ranmase lajan pou bay otorizasyon tent avèk pwopriyetè machine se prèv yon fwa ankò ki montre pouvwa defakto Jovenel Moïse separe bidjè peyia tankou Lo patat.

Dapre sa Operasyon Tèt Ansanm jwenn kòm enfòmasyon, bouch louvri machwè gonflé ant palè nasyonal ak primati konsènan desisyon pou kampe sou ranmase lajan nan DGI pou bay otorizasyon tente machine yo se paske se otorite nan palè nasyonal ki tap koupe raché nan plisyè milyon goud DGI ranmase pou otorizasyon vit tente yo.

Operasyon Tèt Ansanm ap raple tout pèp ayisyen an se sou baz yon pakèt desisyon ilegal pouvwa defakto Jovenel Moïse la ap dechèpiye peyia.

Se nan do lalwa gouvènman defakto Jovenel /Jouthe la fè yon bidjè 254 milya goud pou yo kapab koupe rache ant yo.

Fas ak yon pouvwa kriminèl dechèpiyè, Operasyon Tèt Ansanm kwè pèp ayisyen an dwe kontinye mobilize nan tout peyia pou rive dechouke rejim kowonpi PHTK Jovenel Moïse la.

Pou komite pwoviswa Operasyon Tèt Ansanm

Abel Descolllines

Hugues Celestin

Joseph Manès Louis.

LE 9 MARS 2021

LA RÉDACTION DE LTP !!!
harryespoirmichel@gmail.com telephone 50948438136.

LE TOUT AU PLURIEL MAGAZINE.

NOUS SOMMES VOS YES ET VOS OREILLES…