octobre 17, 2021

Le Tout Au Pluriel Magazine

Nous sommes vos yeux et vos oreilles

NÒT POU LAPRÈS: FAISCEAU DEMOCRATIQUE HITIEN (FDH)

2 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Nou menm nan komite egzekitif Pati politik FAISCEAU DEMOCRATIQUE HITIEN (FDH) ap denonse de (2) konplo pouvwa PHTK kont pèp ayisyen an: youn deja rive reyalize kont PNH la sou komplisite CSPN nan ki gen nan tèt li premye minis defakto a , minis jistis defakto ak direktè ai polis nasyonal la nan operasyon suisidè kite mennen nan « Village de Dieu » jou kite 12 mas 2021 an epi yon lòt konplo deja ap prepare kont tout peyi a avèk konplisite kominote entènasyonal nan lide pou yon okipasyon degize, maske sou demand Jovnèl Moïse.

Nan optik sa, Pati politik « Faisceau Démocratique Haïtien » kondane ak tout fòs li sa’k pase a. E lap mande pou yo ouvè yon ankèt prese prese pou yo wè tout otè etèlektyel ki dèyè krim òganize sa .Nou voye senpati nou ak tout paran, zanmi, famiy polisye ki tonbe nan pyèj ak jwèt leta PHTK ap jwe pou li kenbe pouvwa a.
FDH ap mande tout polisye yo pou yo rejwenn pèp la poun chavire chodyè koripsyon an ak machin ensekirite planifye sa ki pa epanye pèsòn. Si nou rete bwa kwaze, n’ap jwe jwèt nèg yo kafe nou tout ap koule ak ma, bagay yo ap vinn pi rèd.

Nap pwofite atire atansyon tout moun nan sosyete a sou yon kokenn chenn konplo Prezidan ilegal ki pran peyi nou annotaj ap chache marinen yon lòt fwa ankò kont pèp ayisyen an kote nou wè lap fè apèl ak Nasyonzini pou vini bal sipò teknik ak lojistik pou konbat bandi . Nap denonse ak tout fòs nou « Plan okipasyon sa » paske viktim sa yo, mons sa yo nou rele bandi yo nou tout konnen byen se pouvwa PHTK ki nouri yo , ki rive legalize yo epi menm rive federe yo sou lòd CNDDR la . Nan sans sa nou kwè pèp la klè nan revandikasyon an li kise respè lalwa, respè manman lwa peyi a , respè atik 134-2 a ki mete fen ak manda Jovnèl Moïse depi 7 Fevrye 2021.Tranzisyon wi okipasyon non!

Pou’n fini, n’ap di mobilizasyon pou’n chavire sistèm koronpi sa pap kanpe.
Lapolis, lajenès , òganizasyon fanm ak peyizan, legliz katolik , legliz pwotestan tout fòs viv nasyon an an’n fè  » l’union fait la force  » pou’n chanje peyi sa pou tout pitit li ka viv ladanl san kè kase.
Viv yon tranzisyon ki chita sou lalwa ak transparans!

Kòdonatè jeneral; Sekretè jeneral;
BLEHUS Robenson // MANY Venès Junior.

17 MARS 2021

SAL REDAKSYON DE LTP
harryespoirmichel@gmail.com telephone 50948438136.

LE TOUT AU PLURIEL MAGAZINE

NOU SE ZYE AK ZÒRÈY OU…