novembre 28, 2021

Le Tout Au Pluriel Magazine

Nous sommes vos yeux et vos oreilles

Nòt laPolis ekri sou Piyaj ak dechoukay G9 te fè nan Nissan ak Universal Motors la montre Nou 5 Bagay.

2 min read

Pa André Michel, Avoka, Pòt pawòl Sektè Demokratik Popilè a, Defansè

1) Léon Charles vle Dedwane G9 la Ki se yon gang kap travay pou PHTK nan zak piyaj ak dechoukay ki te fèt nan Biznis Reginald Boulos la Ki se Nissan ak Universal Motors.Tout Moun konnen se G9 Babekyou ap dirije Ki te atake Nissan ak Universal Motors. Bagay sa montre Léon Charles Mare Sosis li ak G9 la pou fè Travay PHTK ak Jovenel Moise nan peyi a.

2) Léon Charles vle Kraze batay Polisye yo ap mennen pou Jwenn bon jan kondisyon travay ak bon jan tretman pou yo kapab bay popilasyon sekirite. Léon Charles vle sal imaj polisye yo. Léon Charles vle fè Polisye yo pase pou bandi, delenkan, dechoukè. Léon Charles pa gen Okenn respè pou Polis la.

3) Léon Charles pa gen Okenn respè pou memwa Polisye Jean Daniel Michel Bandi PHTK G9 yo touye. Léon Charles krache sou kadav Polisye Jean Daniel Michel menm Jan Léon Charles te krache Sou kadav 5 polisye PHTK te masakre nan vilaj de Dye jou ki te vandredi 12 Mas 2021 an.

4) Objektif Léon Charles se kraze laPolis la. Pi Gwo lennmi Lapolis la se Léon Charles. Jovenel Moise ak Tout Léon Charles bezwen kraze enstitisyon polis la plat atè.

5) Léon Charles pa gen konpetans pou li dirije Lapolis la. Li pa ka defann Lapolis la. Léon Charles pa ka defann diyite ak onè Polisye yo. Polisye yo dwe kontinye Batay pou chanje kondisyon lavi yo. Polisye yo dwe Kontinye batay pou fòse Léon Charles ba yo kadav 5 polisye Bandi PHTK yo masakre nan vilaj dedye yo pou fanmi yo ka antere yo nan diyite ak Respè.

André Michel, Avoka, Pòt pawòl Sektè Demokratik Popilè a, Defansè endepandan dwa moun. potoprens.
22 MAS 2021.

SAL REDAKSYON LTP !!!
harryespoirmichel@gmail.com telephone 50848438136
LE TOUT AU PLURIEL MAGAZINE

NOU SE ZYE AK ZÒRÈY OU…

Copyright © All rights reserved. | Newsphere by AF themes.