septembre 24, 2021

Le Tout Au Pluriel Magazine

Nous sommes vos yeux et vos oreilles

Matris liberasyon :  »28 ak 29 mas nou pa p fè lach »

2 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Matris Liberasyon, yon lòt fwa, wete chapo l byen ba devan tout sektè nan vi nasyonal la ki rete kanpe doubout bò kote pèp Ayisyen an nan batay pou retire peyi a anba grif pouvwa sanginè phtk a.

Se  avèk  gwo  lapèn  Matris  konstate  operasyon  krabinay  rejim  fachis  la  ap  fè  sou  tout enstitisyon peyi a. Dènye viktim lan se Lapolis nasyonal la yap depatcha, kote gang G9 nan konplisite ak palè nasyonal fè yo konte plizyè kadav nan sakrifis vilaj de Dye a, 12 mas pase a, san fanmi yo pa menm ka fè dèy yo. Zak sa rantre nan plan Jovenel ak Léon Charles pou kraze Lapolis la epi pou mete sou moun lame po banann nan ak milis BSAP pou kontinye maspinen popilasyon an.
Malgre  tout  briganday  sa  yo,  Jovnèl  jwenn  sipò  zanmi  kolon  l  yo  nan  kominote entènasyonal la ki nan yon mannèv woule m 2 bò, pandan yon kote y ap kondane move zak ak move jesyon pouvwa Defakto Jovnèl Moyiz la, yon lòt kote yap kore koze chanjman konstitisyon  ak  eleksyon  pike  kole  ak  Apredye.  Se  yon  fason  pou  detounen  lespri  pèp Ayisyen an epi kase mobilizasyon an k ap mande Jovenel panzouyis kite  tèt leta, paske manda l bout depi 7 fevriye 2021.
Se sak fè,  Matris Liberasyon  rete kwè se  sèl pèp Ayisyen an, nan  yon kokenn chenn mobilizasyon san pran souf, kap rive libere Ayiti! Nan sans sa, Matris Liberasyon mande tout konpatriyòt tout kote, desann nan lari a 28 ak 29 mas la, pou n al di:

NON ak diktati, NON ak enjerans gwo pisans trèt yo!
Viv batay pou Liberasyon an, aba kolon rasis, Viv yon AYITI ki granmoun tèt li! Viktwa se pou pèp k ap batay!
Biwo Kominikasyon ML
Tel : +50944454545/40209052
matrisliberasyon33@gmail.com

27 MARS 2021

SAL REDAKSYON LTP !!!
harryespoirmichel@gmail.com telephone 50948438136

LE TOUT AU PLURIEL MAGAZINE

NOU SE ZYE AK ZÒRÈY OU…