Òganizasyon Sosyo Politik VIV AYITI. Nòt KONDANASYON! - Le Tout Au Pluriel Magazine
mai 13, 2021

Le Tout Au Pluriel Magazine

Nous sommes vos yeux et vos oreilles

Òganizasyon Sosyo Politik VIV AYITI. Nòt KONDANASYON!

3 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Òganizasyon SosyoPolitik VIV AYITI ap denonse e kondane ak tout fòs li zak tantativ asasina ak kòmansman ekzekisyon ekip pouvwa defakto Jovenel la fè sou Evèk, Monsenyè, Pè, Mè, fidèl, militan politik anndan Legliz sen Pyè Petyon Vil jounen Jedi 15 Avril 2021 an.

Zak sa rive nan moman patisipan yo tap rele anmwe kont kidnaping ak diktati kidnaping. Pandan fidèl t ap kriye yo pa kapab ankò, twop san koule nan peyi a. bagay sa sanble kou 2 gout dlo ak sa kite pase nan lannwit samdi 21 novanm 1987 nan Legliz Katolik Vèrèt (Latibonit) kote yon gwoup bandi pòtre ak G9 ki te pote non san manman nan epòk la te tante mete dife nan legliz la.  Jou sa, pè Max Leroy Mesidor ki aktyèlman achevèk pòtoprens la, menm jan ak mès jounen jedi 15 Avril 2021 an. se menm bagay pou 11 Septanm 1988 nan Legliz sen Jan Bosko kote bandi ak brasa wouj nan epòk la te tante asasinen pè Jean Bertrand Aristide pandan l t ap selebre yon mès.
Te gen anpil viktim nan moman sa pami yo yon fanm ansent ki te blese byen grav.
Jounen jodi a bandi yo retounen sou fòm G9 an fanmi ak alye PHTK, ALL BLACK, BSAP, 400
Mawozo elatriye.

Jounen Jodi a ekip gang sa yo pa kite yon jounen pase pou pa mete dlo nan je popilasyon an. Kidnaping, vyòl, vòl, asasina, masak, pèsekisyon politik, se prensipal aktivite
jovenel ak ekip gang li yo, ki malerezman jwenn benediksyon menm swadizan diplomat nan
kominote entènasyonal la.

VIV AYITI pote solidarite li ak Legliz katolik ki viktim ankò jounen 15 Avril la anba men bandi
ki sèmante pou kontinye mete dlo chak jou nan je pèp ayisyen chak jou pi plis. tankou monsenyè
Launey Saturne te repran pawòl sen Jean Paul 2 te pwononse nan lane 1982 lè li te Pap, VIV
AYITI ap di fòk sa chanje nan peyi a. fòk diktati, kidnaping nan fini. fòk kidnapig fini kelkeswa
fòm li te ye a. fòk gen chanjman nan tèt pouvwa a pou jistis blayi, pou enpinite fini, pou peyi dayiti pa janm viv rèy bandi legal ankò. li lè li tan pou premye repiblik nwa sispann pran imilyasyon.
Nap pwofite mande kominote entènasyonal la sispann apiye kriminèl kap teworize yon popilasyon
2 bwa balanse. sispan n bay bandi legal lisans pou piye richès peyi a e pataje l ak kolaboratè yo.
Sispann fè pèp ayisyen peye pou lendepandans li te pran ak fòs kouraj li.
VIV AYITI ap di pèp la kontinye ak klèvwayans e entèlijans politik li pou defan n AYITI, defan n
lavi, defan n revandikasyon li yo. nou pa dwe pèdi lespwa. Viktwa se pou pèp k ap batay.
Aba diktati, aba kidnaping, viv liberasyon tout moun yo kidnape !

VIV liberasyon AYITI, ViIV AYITI pou lavi.

LE 16 AVRIL 2021

LA RÉDACTION DE LTP !!!
harryespoirmichel@gmail.com telephone 50948438136.

LE TOUT AU PLURIEL MAGAZINE NOUS SOMMES VOS YEUX ET VOS OREILLES…