octobre 16, 2021

Le Tout Au Pluriel Magazine

Nous sommes vos yeux et vos oreilles

Konsta Administrasyon mouvman nasyonal Fowòm Ekonomik Klas Mwayenn nan

2 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Administrasyon mouvman nasyonal Fowòm Ekonomik Klas Mwayenn nan, an Ayiti konstate depi plis pase 2 zan, gen yon ensekirite jeneralize k’ap sakaje bil peyi d’Ayiti, ak yon fenomèn kidnapping ki kraze 2 fwa pi plis klas mwayenn nan.

Administrasyon Fowòm Ekonomik Klas Mwayenn nan, konstate malgre anpil mouvman leve kanpe ki fèt, pou fòse Otorite nan peyi d’Ayiti pran responsabilite yo, fas ak sitiyasyon sa, anyen pa janm fèt tout bon vwe pou pèp la ka rale yon souf. Pandan ke lapolis enstrimantalize pa ekip ki la, pa sispann maspinen pèp la, lè yap revandike dwa yo nan lari a, kont ensikirite sa ak fenomèn kidnapping sa. Dènye kou ki touye koukou, olye Jovenel Moïse admèt enkonpetans li poul mennen bak peyi a, epi remèt pouvwa paske mandal fini depi 7 fevriye 2021, selon konstitisyon 1987 la, nan atik 134-2 a, Jovenel deside foure nan kòsay pèp ayisyen an, yon pwojè referandòm poul chanje konstitisyon.

Ò, nou menm onivo administrasyon Fowòm Ekonomik Klas Mwayenn nan, rekonèt non sèlman 1) Jovenel Moïse pa gen konpetans poul dirije peyi a,
2) Mandal fini depi 7 fevriye 2021
3) Selon atik 134-3 ak 134-4 la, Jovenel Moïse pa gen atribisyon sa poul fè ni referandòm, ni chanje konstitisyon peyi a.

Se nan sans sa, mouvman nasyonal Fowòm Ekonomik Klas Mwayenn nan, an siy solidarite ak pèp ayisyen an espesyalman, moun ki viktim anba zak ensikirite a, ak kidnapping nan, Administrasyon an te manifeste entansyonl pou mande popilasyon ayisyèn nan pou yo kanpe tout aktivite yo gen anndan peyi a, nan dat kap 21, 22 ak 23 jen 2021 an, pou kontinye konteste zak ensikirite yo ak kidnapping nan, epi anklanche yon gwo mobilizasyon jeneral sou tout teritwa peyi d’Ayiti, nan dat 24, 25, 26 ak 27 jen 2021, kont pwojè ilegal e enkonstitisyonèl Jovenel la, ki se referandòm nan.

Etan done ke, nou menm, nan administrasyon Fowòm Ekonomik Klas Mwayenn nan, rekonèt ke pou sa rive fèt, fòk tout aktè yo bay sipò pa yo. Konsa administrasyon ap chèche rankontre tout sektè nan lavi nasyonal la, ki konsyan sou sa kap pase a e ki vle enplike yo tou nan demach sa, yon fason pou fè yon sèl ak yo pou fasilite aktivite sa yo fèt nan mwa jen kap vini la.

Deja, administrasyon Fowòm Ekonomik Klas Mwayenn nan, konte sou patisipasyon sektè yo e pwofite ankouraje yo pou yo solidè ak inisiyativ sa.

Pou otantifikasyon: Jean Manielo administratè jeneral.
Telefòn: +509 4623-6473/+509 3247-3804

LE 24 MAI 2021

LA RÉDACTION DE LTP !!!
harryespoirmichel@gmail.com telephone 50948438136.

LE TOUT AU PLURIEL MAGAZINE NOUS SOMMES VOS YEUX ET VOS OREILLES…