SOSYETE|OPINYON Dimanche 18 juillet 2021 Ayiti : Bonjou, Manman ayiti mwen ekriw poum diw kouraj, nan soufrans lan soufrans lan di anpil, sitou lèw rankontre yon soufrans ou pat espere. - Le Tout Au Pluriel Magazine
août 4, 2021

Le Tout Au Pluriel Magazine

Nous sommes vos yeux et vos oreilles

SOSYETE|OPINYON Dimanche 18 juillet 2021 Ayiti : Bonjou, Manman ayiti mwen ekriw poum diw kouraj, nan soufrans lan soufrans lan di anpil, sitou lèw rankontre yon soufrans ou pat espere.

3 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Anpil fwa zwazo toujou ap riii ti poul ,sitou lè tipoul pran kout ròch nan tèt, selè zwazo pran kout bèk nan tèt , li konprann nan ki soufrans tipoul teye !

Manman ayiti, lèm m’ap gadew k’ap kriye , ou fèm sonje janm tap kriye pou papam kite mouri 16 janvye 2020.

Lèm gade vizaj ou ki tris, li raplem manman Roberto Badio Lima tigason 14 ane kite mouri devan lopital jeneral an 2019, lan mwen wè nan ki soufrans manman tipitit sa te ye.

Chakfwa mwen gade zyèw ki plonje nan yon tristès enfini mwen sonje manman, kite pèdi pitit yo ak mari yo nan masak lasalin, site soley, matisan, bèlè, kafoufèy, elatriye. Manman ayiti nan soufrans ou ye jodia, sa fèm sonje manman ak madanm polisye yo kite masakre andan vilaj de Dye 12 mas 2021 an ki pa janm Jwenn jistis.

Manman cheri nan soufrans ou Jodia, mwen sonje manman ak madanm pakèt prizonye yo te masakre nan prizon sivil kwadèboukè a , menm kò yo fanmi yo pat jwenn.

Manman pandanw nan soufrans w’ap mande jistis petèt relasyonw ka fèw jwenn jistis tanpri sonje pakèt timoun yo, kite boule nan òfelina fèmat la. Jis kounouya manman yo. Ak dlo na je, se fanm ki pase nan soufrans ki pou di fanm nan ki soufrans li ye.

Manman cheri bèl fanm kreyòl mwen an , nan doulèw ,nan kalamitew jodia , mwen sonje pakèt Moun kite masakre nan delma 32nan jou ki sot pase la. Peyi pèdi yon bèl fanm menm jan avèw nan masak sa, Antoinette Duclair

Manman mwen konen doulèw , men manman soufrans Pam jodia , mwen profite moman soufrans ou an , poum fèw repròch sa maman, ou pat janm ouvè bouch ou manman pou te pran lapènn menm Yon fwa pou tout inosan ki masakre anba drapo Je kèw manman.

Jodia manman 98’% Moun nan popilasyon viktim de enjistis, kidnaping, vyòl, vòl, gen moun yo boule bisnis yo, gen moun yo piye bisnis, gen Moun ki nan maron, gen Moun ki pran vè nan prizon
Anba boul Jew manman ou pa janm di anyen,

Manman nou manke yon ti kras poun’n gen gè sivil, ou kale Jew w’ap gade ou pa janm di yon mo.

Manman cheri, mwen ta diw plis toujou , nan soufrans ou ye jodia , mwen ladanl tou, mwen pap fè kwa vin’n pi lou sou dow.

Manman annou fè yon sèl pou tout sa kite viktim de enjistis anba je yo kite ka bay jistis ak sa kite merite jistis, se yo kite plis viktim de enjistis, jodia nou konprann van enjistis la soufle sousa kite konprann se yo kite met latè.

Manman Yon sèl Jan pou nou tout jwenn jistis, se tèt ansanm AK bon jan rekonsilyasyon.

Mwen renouvle angajmanm manman poum diw kouraj paske blese nan lang pa dous ?

M’ap fini poum diw , yon sèl fason pou fini ak soufrans ou ye jodia, se lèw chwazi sèvi Bondye , siw pral chèche fè vanjans se kwa w’ap fè vin’n pi lou sou dow.

Mwen swetew kenbe fèm nan non Bondye lavi a ki gen tout pouvwa a, Aprè Dye se Dye, seli ki te la yè seli k’ap toujou la Jodia e li pap janm pa la.

Franck Lena

11h 38 AM

TOUT DWA REZÈVE
harryespoirmichel@gmail.com telephone 50948438136

LE TOUT AU PLURIEL MAGAZINE NOUS SOMMES VOS YEUX ET VOS OREILLES…