octobre 25, 2021

Le Tout Au Pluriel Magazine

Nous sommes vos yeux et vos oreilles

Bon voyage président Jovenel Moïse. Mwen koubem byen ba poum diw kouraj nan wout la, selon zèv ou ka rankontre pikan konsa ou ka rankontre bèl pye anana.

2 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Mwen swetew jwenn jistis, menm jan map mande jistis pou ti Roberto Badio Lima 14 ane kite asasine sou pouvwa ou tap dirije a, jistis pou ou prezidan Jovenel Moïse ki asasine masakre jou kite 7 juiyè 2021 an , mwen swetew jwenn jistis menm jan ak pakèt malere kite masakre nan lasalin sou pouvwa ou tap dirije a, ke Bondye bayo jistis menm jan avèw. Li enpòtan pou jwenn jistis kòm prezidan ayisyen ki asasine lakay li, menm jan li enpòtan pou Moun bèlè jwenn jistis yo menm kite asasine lakay yo genyen kite boule ak tout kay yo, nou swete yo Jwenn jistis menm jan avèw yo te viktim sou pouvwa ou tap dirije a. Asasinaw fè tout ayisyen Mal prezidan Jovenel, menm jan asasina Antoinette Duclaire, Me Monferier Dorval, pakèt jounalis yo , prizonye nan prizon sivil kwadèboukè a, pakèt Moun Delma 32 yo, Moun kafoufèy yo, aviyasyon, Moun bal nan tèt nan manifestasyon yo, pakèt polisye yo, anpil lòt Moun nan sektè prive a ki asasine, elatriye, tanpri prezidan Jovenel Moïse nan jistis Bondye lavi a pral baw la tanpri fèl sonje fanmi Moun sa yo k’ap soufri ki bezwen jistis, di Bondye pou nou svp sil ta resevwaw lonje men bay tout moun ki merite jistis an ayiti sitou sila yo kite viktim sou pouvwa ou tap dirije a, mwen swete prezidan Jovenel Moïse, ou fè demand sa san fòs kote.

Mwen ta baw plis komisyon pou bay prezidan men mwen konen w’ap rive fatige e sa ka pran anpil tan pou seyè a, resevwaw sitou lèl konen nan peyiw sòti a, se yon kote Moun ap manje Moun. Ke Bondye lavi a, resevwaw malgre tout pechew yo,yon jou kou Jodia selon zèv ou , wa rankontre ak frew yo, swa nan lavi ki pap janm fini an, ou byen nan dife ki pap janm etèn’n nan.

Jeudi 22 juillet 2021
9h22 PM
Franck Lena

LE 23 JUILLET 2021

TOUS DROITS RÉSERVÉS
harryespoirmichel@gmail.com telephone 50948438136

LE TOUT AU PLURIEL MAGAZINE NOUS SOMMES VOS YEUX ET VOS OREILLES…