septembre 24, 2021

Le Tout Au Pluriel Magazine

Nous sommes vos yeux et vos oreilles

AYITI SOSYETE,OPINYON: Rayi chen, di dan l blan ….

2 min read
Partagez cet article
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  

Pa A. LARAQUE.

Pou kalite sitiyasyon nap viv jodiya, si sete nan tan lontan, nan lane 1960 yo konsa, elit, klas moyen n ak jenès peyi an t ap gentan mete tèt yo ansanm pou tanmen rezoud anpil nan pwoblem yo.

Lespri sivik ak enkyetid yo pou byennèt kolektif  la t ap deja fè  yo mete sentiwon nan tay yo pou yo twoke  kòn ak vagabon kriminèl k ap boulvèse popilasyon an, e se ak kout pye nan bouda yo t ap choute dirijan san  vizyon k ap gonfle pòch yo sou mizè  nou. 

Se vre listwa epòk sa a site Che Guevara kòm ekzanp men li pa t ni poukont li ni sèl ekzamp ki te genyen..
bò lakay anpil jen n bay lavi yo pou yon ideyal.

Nan sans sa a li t ap bon anpil pou nou kore (fondation devoir de memoire) ki pran djob poul kanpe modèl moun jenès jounen jodi a ta dwe pran ekzanp sou yo.

Moun ki te gen kolon n vètebral, detèminasyon ak vizyon; jèn konpetan epi chaje ak sans sivik…
lè nou tande te gen santye limine, kontras e latriye
se pat gwoup gang non yo te ye, se sitwayen ki pa t dakò ak jan peyi yo t ap dirije ki mete ansanm pou chavire leta restavèk ak ban n mafya k ap bay leta lòd yo…
jodya jenès la pèdi boulon sant li, batay li se sou facebook, twitter instagram ak whattsapp,

Kouraj li se nan pawol mizik rap ak raboday, nan kawash nou tande yo, tan pou lespri patriyotik se sou kalite machin n blinde oubyen chache viza, rezidans…

jenès la pa gen rèv , e genlè li soufri maladi jamè dodo. e, wi mwen bay tèt mwen dwa pale de yo konsa, paske se pitit mwen yo ye, paske epòk pa m mwen te goumen pou yon ideyal mwen peye konsekans yo san m pa janm plenyen..
wi mwen gen dwa chache souke konsyans yo…
a laj mwen, se pa sèten mwen gen fòs pou m epole yon fizi vwa pou m ta tire koutpwen..
alos mwen dwe kontinye tan n jèn fanm osnon gason k ap gonfle venn li, kanpe dwat pou li mache pran vagabon…

M ap tan n san mwen pakonen konbyen tan pou m tan n pou jenès la di ASE! SE TWÒP ATÒ!

A. LARAQUE.

LE 8 SEPTEMBRE 2021

TOUT DWA REZÈVE

harryespoirmichel@gmail.com telephone 50948438136.

LE TOUT AU PLURIEL MAGAZINE NOUS SOMMES VOS YEUX ET VOS OREILLES…