Le Tout au Pluriel Magazine

Nous sommes vos yeux et vos oreilles

Rezon retrè kandidati Madam Guerlyne RESIDOR nan pwosesis elektoral sektè fanm nan

2 min read
Spread the love

Mwen salye tout responsab òganizasyon fanm ak zanmi laprès nan tout 10 depatman peyi a ki te chwazi sipòtem nan peryòd pwosesis elektoral la pou rive chwazi reprezantan sektè fanm nan KEP a.

Mwen pwofite anonse nou retrè kandidatim nan pwosesis elektoral truké sa ki pa enspire pèsòn kandidat konfyans.

Men kèk rezon ki fè mchwazi retire kòm nan lòbèy 9 endividi mal entansyone ap maniganse :

  • Dezisteman Oganizasyon *Fanm yo la ak Femmes en Démocratie nan inisyativ la paske yo se 2 òganizasyon fanm ki nan domèn patisipasyon politik Fanm e ki ka mennen pi byen pwosesis la san fòs kote, san magouy ;
  • Vyolasyon kritè ki te di aklè depi yon fanm nan pati politik li paka kandidat ;
  • Komite elektoral la fòme en clan e an konivans ak yon pati politik ;
  • Lavèy jou ki te prevwa pou eleksyon an òganize, kèk manm nan pati politik SDP débake nan espas la bò 8 tè nan aswè vin fè reyinyon ak tout manm komite a pou rive enpoze kandida yo ;
  • Nan lide pou sipòte yon kandidat, Antrepriz Noel Ami Location mete yon machin lokasyon disponib pou yonn nan manm komite a poul fonksyone nan moman pwosesis elektoral la ;
  • Men miz pati politik SDP sou fonksyonman komite elektoral la ;
  • Juno 7, nan yon atik li fè sòti di aklè se kandidat X ki favori pandan enskripsyon poko menm fini ;
  • Absans reprezantan m nan sant tabulasyon an pou vòt en liy yo ;
  • Repò eleksyon an plizyè fwa ki pwouve enkapasite komite a.

Pou tout rezon sila yo ak anpil lòt ankò, Guerlyne Résidor chwazi retikol nan lòbey kap fèt la.

Mwen espere nou tout ap konprann mwen paske misyonm se goumen poun rive gen yon lòt Ayiti.

Mèsi pou konfyans nou plase nan mwen

Guerlyne Résidor
Kòdonatris KRIFA

LE 15 OCTOBRE 2021

LA RÉDACTION DE LTP !!!
harrymichel122@gmail.com téléphone 50948438136.

You may have missed