mer. Jan 29th, 2020

Le tout au pluriel

Magazine socio-culturel

Opozisyon politik ak prezidan Jovenel Moïse !!!

3 min read
Spread the love

Safè 20 tan depi map swiv politik Ayiti poum konprann sa nou vle fè pou peyia, menm pa janm wè anyen ki serye nou vle fè aprè fè lajan ak kreye dezòd.

Safè 5an kem deside ekri poum ede nou konprann kijan politik fèt, men nou pa janm tandem.

Lèm konsidere apre 33 zan prezidan Jean Claude Duvalier ale epi tout statistik bay ke se gouvènmanl lan ki meyè gouvènman peyi dAyiti konnen, safèm tris.

Jodia pèp lap konprann sa tou, sesak fè li mande chanje sistèm lan pozitivman. Kouniyea nou menm kap fè politik nou panse ke pèp la se enbesil. Èske nou kwè pèp la pagen bon sans?

Nou toujou ap mande tranzisyon lan peyia nou menm kilan opozisyon e se lan la kou kasasyon nou toujou ale. poun chwazi prezidan yo apa d lè nou t chwazi Jocelerme Privert kòm prezidan an 2016.

Kouniyea banm mande nou èske nou pa janm fè listwa? Nou pa wè ke kou kasasyon pa janm ba nou yon bon Prezidan apa Madan Ertha Trouillot ki t fè yon bon eleksyon an 1990?

Kouniyea an 2019 nou montre ke nou vle tranzisyon tout bon tèlman nou vle voye Jovenel ale, se byen. Men èske sepa nou menm ki t voye Prezidan Aristide ale an 2004? Repons lan se wi, e nou konnen ki eta peyia t ye apre depa Aristide.

Jodia pèp la di li pa vle nou ankò, nou menm nou di fòk nou toujou rete ap jere systèm lan paske pèp la se enbesil.

Nou ale lan lotèl Marriot nou signen kontra avèk menm ansyen moun yo pou nou ka chwazi yon prezidan lan lakou kasasyon ankò.

Banm mande nou yon bagay: Èske Reginald Boulos pafè pati d systèm lan? Èske nou menm kifè pati d opozisyon politik pafè pati d systèm sa ke pèp la vle chanje a? Èske nou tout pa pouri? Mwen rete kwè ke nou tout ekip sa pouri, e tout moun konnen sa tou. Lè yon bagay pouri se jetew jetel pouw ranplasel pa lòt bagay.

Kesiyonm pou nou se: Èske nou pa konnen ke peyia gen rezèv? Moun sa yo pap ka vini pou chanje eskanp figi Ayiti daprè nou? Bon! Kisa nou janm fè pou yo? Repons lan se anyen.

Prezidan Jovenel! Lan diskouw fè jou komemorasyon batay vètyè a ou di: “Pèp ayisyen , gade figim pou nou wè sim ka ni mèt systèm peze souse saa, ni gadyenl”. Map diw lan non pèp la kew pa ni mèt ni gadyen systèm lan, menw se erityel paskew t vann nanm ou ak mèt e gadyen systèm lan lèw t kandida.

Ou pale d entegrasyon diaspora a lan tout vi peyia. Siw serye fè sòti yon dekrè lwa pou diaspora a ka patisipe lan eleksyon san fòs kote, dayè sepa dekrèw pral dirije peyia an Janvye 2020 si jamèw toujou rete Prezidan peyi a.

Banm di nou menm kap fè politik Ayiti depi plis pase 30 lane: Systèm lan pouri, sa vle di pèp la ki vrè chèf nou deside ranplase nou, li revoke nou paske nou fèl twòp mal. Kounyea se resèv peyi a pèp la deside bay travay pouli paske nou tout kap fè politik depi 33 lane lan peyia echwe.

Romane Desir

Rédacteur de LE TOUT AU PLURIEL MAGAZINE SOCIO-CULTUREL

email : romanedesir119@gmail.com

Tous droits réservés, 20 Novembre 2019


Spread the love